Выдача міжнароднага ордара на арышт падрывае ўстойлівасць улады — эксперт
13 верасня Еўрапейскі парламент прыняў рэзалюцыю, у якой заклікаў Міжнародны крымінальны суд выдаць ордар на арышт Лукашэнкі за дэпартацыю ўкраінскіх дзяцей у Беларусь. Пра тое, што гэта азначае і да чаго можа прывесці, Reform.by спытаў кіраўніка аддзела па правах чалавека і вяршэнства права iSANS Юрыя Джыбладзэ.
17.09.2023 / 14:30
Аляксандр Лукашэнка. Фота: Getty Image
Паводле эксперта, рэзалюцыя ЕП сама па сабе не прывядзе аўтаматычна да выдачы Міжнародным крымінальным судом ордара на арышт Лукашэнкі. Але з часам пракурору МКС стане ўсё складаней ігнараваць такія заклікі.
Эксперт лічыць, што сам факт пачатку расследавання МКС можа мець палітычныя наступствы, нягледзячы на тое, што такія расследаванні могуць працягвацца доўгі час.
На яго думку, ужо сам факт пачатку расследавання МКС у значнай ступені падрывае ўстойлівасць рэжыму і спрыяе дэмакратычным пераменам.
«Бо такія расследаванні вядуцца не толькі ў дачыненні да самога дыктатара, але і іншых прадстаўнікоў палітычнага кіраўніцтва, якія аддавалі незаконныя загады, і непасрэдных выканаўцаў. І гэта значна больш магутны інструмент, чым калі злачынствы завуцца злачынствамі ў рэзалюцыях. Нават сама выдача судовага ордара на арышт істотна абмяжоўвае магчымасці рэжымаў, у тым ліку іх узаемадзеянне з саюзнікамі, і ператварае іх у ізгояў», — сказаў Джыбладзэ.
Паводле Джыбладзэ, рэжым Лукашэнкі павінен быць прыцягнуты да крымінальнай адказнасці не толькі за дэпартацыю ўкраінскіх дзяцей, але і за злачынствы супраць чалавечнасці, учыненыя супраць грамадзян Беларусі падчас рэпрэсій.
Чытайце таксама:
Вячорка патлумачыў, у чым важнасць візіту Ціханоўскай у Еўрапарламент і на Генасамблею ААН
Пасол у Расіі апраўдваўся за вывезеных у Беларусь украінскіх дзяцей
Еўрапарламент заклікаў Міжнародны крымінальны суд выдаць ордар на арышт Лукашэнкі