Polšča pabuduje na miažy ź Biełaruśsiu novuju aharodžu, z kamierami, ciepłavizarami i datčykami ruchu
Pamiežnaja słužba Polščy abviaściła tendar na budaŭnictva aharodžy z elektronnymi sistemami sačeńnia na miažy ź Biełaruśsiu na race Buh, paviedamiŭ polski ministr unutranych spraŭ Marjuš Kamiński, piša «Svaboda».
17.09.2023 / 15:15
Mietaličny płot na miažy pamiž Polščaj i Biełaruśsiu. Fota: Michal Dyjuk / AP Photo
Daŭžynia aharodžy maje być 172 kiłamietry, jak raskazaŭ ministr. U aharodžy budzie prykładna 4500 kamier, ciepłavizaraŭ i datčykaŭ ruchu.
Polskija kampanii mohuć padać zajaŭku na ŭdzieł u tendary da 22 vieraśnia. Pieramožcu majuć abviaścić da siaredziny listapada, kab vybrany padradčyk moh pačać budaŭnictva ŭžo sioleta.
Polšča ŭzvodziła 206-kiłamietrovuju zaharodu ŭzdoŭž miažy ź Biełaruśsiu sa studzienia 2022 hoda pa červień 2023-ha. Budaŭnictva fizičnaha barjera stała reakcyjaj Varšavy na patoki ź viasny 2021 hoda mihrantaŭ, jakija imknulisia niezakonna trapić u krainy ES ź biełaruskaj terytoryi.