U Rečycy mužčyna padpaliŭ svoj aŭtamabil i nie puskaŭ vyratavalnikaŭ. Jaho «astudzili» vadoju z pažarnaha šłanha
Žychary doma №10 pa vulicy Maładziožnaj u Rečycy pračnulisia ad mocnaha vybuchu ŭ 23:45. U dvary jany ŭbačyli pałajučy na parkoŭcy aŭtamabil, a pobač ź im haspadara mašyny.
18.09.2023 / 11:05
Paźniej mužčyna adkaciŭ na hazon padpalenuju mašynu, ale daloka nie adychodziŭ.
Kali prybyli pažarnyja, mužčyna z pradmietam u rukach, padobnym na nož, nie padpuskaŭ ich dla tušeńnia pažaru. Zapał nieadekvatnaha mužčyny ŭdałosia astudzić naporam vady z pažarnaha rukava. Paśla hetaha jaho zatrymała milicyja. Pryčyny takich dziŭnych pavodzin pakul nieviadomyja.