Litva choča adharadzicca ad Biełarusi płotam navat na bałotach
Dziaržaŭnaja pamiežnaja słužba Litvy razhladaje mahčymaść uźviadzieńnia fizičnych barjeraŭ na miažy ź Biełaruśsiu navat na zabałočanych učastkach. Pra heta raskazaŭ pradstaŭnik litoŭskaj pamiežnaj słužby Hiedrus Mišucis, paviedamlaje LRT.
18.09.2023 / 16:28
Aharodža na litoŭska-biełaruskaj miažy, jakuju sprabuje pieraadoleć miadźviedź
Ciapier aharodža i kalučy drot stajać na kala 550 km 679-kiłamietrovaj miažy Litvy ź Biełaruśsiu. U toj ža čas jość bolš za 100 km miažy ŭzdoŭž rek, azior i bałot, dzie pamiežnaja zona kantralujecca kamierami videanazirańnia i inšymi techničnymi srodkami, ale płatoŭ niama.
«Pamiežnaja słužba stvaryła pracoŭnuju hrupu, jakaja vyvučaje mahčymaść ustanaŭleńnia tam fizičnych barjeraŭ, praličvaje vydatki i varyjanty ŭźviadzieńnia», — adznačyŭ Mišucis.
Pavodle jaho słoŭ, płaty akazvajuć značny ŭpłyŭ na spynieńnie nielehalnaj mihracyi praź litoŭska-biełaruskuju miažu.
«Dadatkovyja fizičnyja pieraškody byli b efiektyŭnyja jak ciapier, tak i ŭ budučyni. Pakolki my bačym situacyju, kali ŭ nas nul (sprobaŭ pierasiačy miažu. — Red.), a taksama my bačym, što adbyvajecca na łatvijskaj miažy, jakaja ŭ čatyry razy karaciejšaja», — dadaŭ pradstaŭnik pamiežnaj słužby.
Čytajcie taksama:
Novy łatvijski ŭrad zrabiŭ budaŭnictva płota na miažy ź Biełaruśsiu adnoj z asnoŭnych svaich zadač
Mihranty pieranieśli asnoŭnuju aktyŭnaść na łatvijskuju miažu