З сайта МГІМО выдалілі артыкул Ільі Лямешкіна пра Скарыну з пратэсным акравершам
З сайта часопіса Маскоўскага дзяржаўнага інстытута міжнародных адносін «Концепция: философия, религия, культура» знік артыкул дацэнта пражскага Карлава універсітэта Ільі Лемешкина, у якім ён акравершам зашыфраваў фразу «Сдохни Путлер. Нет войне. И. Л.». Увагу на гэта звярнула выданне SOTA.
19.09.2023 / 22:04
Яшчэ раніцай артыкул, прысвечаны беларускаму першадрукару Францыску Скарыну, быў на сайце даступны.
Матэрыял быў напісаны Лямешкіным у снежні 2022-га, а 24 лютага, у гадавіну пачатку поўнамаштабнай вайны ва Украіне, ён сімвалічна адправіў яго кіраўніцтву МГІМО для наступнай публікацыі.
У артыкуле Ілля Лямешкін закадаваў палітычнае пасланне выдаўцам. Для антыпуцінскага і антываеннага звароту навуковец выкарыстаў нязвыклы сродак перадачы інфармацыі — акраверш. Яго упершыню ў сваіх тэкстах ужыў 500 гадоў таму сам Скарына.
У акравершы пачатковыя літары вершаваных радкоў, прачытаныя зверху ўніз, утвараюць слова ці фразу.
Матэрыял складаецца з 22 абзацаў (адсылка да 2022 года, пачатку агрэсіі Расеі супраць Украіны), акравершаў — з двух ініцыялаў у канцы артыкула і чатырох лексем, якія разам утвараюць дзве прапановы: «Сдохни Путлер. Нет войне. И. Л».
Сам навуковец расказваў, што спецыяльна настойваў на вёрстцы, якая робіць акраверш прыкметным. Рэдакцыя часопіса прыняла ўсе просьбы аўтара без пярэчанняў.
Чытайце таксама:
Чэшскія даследчыкі: Францыск Скарына не меў вусоў
За кулісамі Генасамблеі ААН: вось як Лукашэнка прайграў Славеніі 38:153