Warner Bros. Games nie daść biełarusam hulać u svaju novuju videahulniu
Hulcy ź Biełarusi ŭsio ž nie zmohuć hulać u Mortal Kombat. Kampanija Warner Bros. Games aficyjna paćvierdziła, što ich novaja hulnia Mortal Kombat 1 nie budzie dastupnaja na terytoryi Biełarusi i Rasii, zaŭvažyŭ Reform.by.
20.09.2023 / 08:11
Mortal Kombat 1 — kampjutarnaja hulnia ŭ žanry fajtynh, jakaja raspracoŭvajecca studyjaj NetherRealm Studios i vydajecca Warner Bros. Games.
Heta dvanaccataja častka ŭ asnoŭnaj sieryi Mortal Kombat. Jana vyjšła 19 vieraśnia 2023 hoda. A dla tych, chto zamoviŭ hulniu, jana stała dastupnaj 14 vieraśnia 2023 hoda. Užo z hetaj daty hulcy z Rasii i Biełarusi sutyknulisia z tym, što im byli adklučanyja sietkavyja funkcyi. U siecivie chadzili čutki, što kampanija paśla aficyjnaha relizu moža dazvolić hulcam ź Biełarusi i Rasii karystacca paŭnavartasnaj viersijaj, ale hetaha nie adbyłosia.
Warner Bros. Games uvachodzić u lik kampanij, jakija admovilisia pracavać na rynkach Biełarusi i Rasii z-za raźviazanaj imi poŭnamaštabnaj vajny suprać Ukrainy.