Pa štabie Čarnamorskaha fłotu ŭ Sievastopali naniesieny rakietny ŭdar
abnoŭlena
Pryznačany Rasijaj hubiernatar Sievastopala Michaił Razvažajeŭ paviedamiŭ ab rakietnym udary pa štabie Čarnamorskaha fłotu ŭ Sievastopali.
22.09.2023 / 13:47
Minabarony Rasii zajaviła, što ŭ vyniku rakietnaj ataki na štab Čarnamorskaha fłotu zahinuŭ adzin vajskoviec.
U budynku Čarnamorskaha fłotu ŭ Sievastopali pačaŭsia pažar.
Rasijskija vajskoŭcy śćviardžajuć, što padčas adbićcia ataki byli źbityja piać rakiet. Kolki rakiet było vypuščana pa celach u Krymie, nie paviedamlajecca.
Pavodle niepaćvierdžanaj infarmacyi, budynak byŭ paražony rakietaj Storm Shadow.
Štab Čarnamorskaha fłotu RF paśla rakietnaj ataki
Bolš za hod tamu, 20 žniŭnia 2022 hoda, štab Čarnamorskaha fłotu byŭ atakavany bieśpiłotnikam. Dron upaŭ na dach budynka i zahareŭsia, paciarpiełych pry atacy nie było.