U Biełarusi zabaranili nadzvyčaj papularnyja pralnyja paraški
Papularnyja ŭ nasielnictva pralnyja paraški nie prajšli pravierki ŭ Dziaržstandarta. Akazałasia, što razrekłamavanyja srodki ŭtvarajuć zanadta šmat pieny i niedastatkova dobra myjuć rečy, zaŭvažyŭ Onliner.
22.09.2023 / 15:06
U «čorny śpis» patrapiŭ Ariel «Hornaja krynica». Pa zaklučeńni Dziaržstandarta, vytvorca «naŭmysna ŭkazaŭ pryznačeńnie pradukcyi «dla vykarystańnia ŭ pralnych mašynach luboha typu», ale pry hetym jana nie moža ŭžyvacca jak srodak dla myćcia ŭ mašynach z frantalnaj zahruzkaj. Akazałasia, što ad paraška zanadta šmat pieny, što vychodzić za ramki normy.
Takija ž prablemy vyjavilisia jašče z dvuma papularnymi srodkami dla myćcia — Persil Sensitive i «Łaska Dohlad». Apošni plus da ŭsiaho myje vopratku horš, čym pra heta zajaŭlena, śćviardžaje Dziaržstandart.
Usie paraški — rasijskaj vytvorčaści.