U Mahilovie pryvodziać u paradak miesca stalinskich rasstrełaŭ
Rekanstrukcyja adnoj z samych ažyŭlenych mahistralaŭ Mahilova, praśpiekta Dzimitrava, zakranuła taksama miesca ŭšanavańnia pamiaci achviar stalinskich represij. Demantavali kryž, ale jak budzie vyhladać miaścina ŭ vyniku pakul nieviadoma.
24.09.2023 / 19:46
Demantavany šaścikancovy kryž. Fota: «Mahiloŭ.media»
Demantavany šaścikancovy kryž. Fota: «Mahiloŭ.media»
Jar nasuprać sučasnaha Miasakambinata byŭ miescam rasstrełaŭ u 1930-ja hady. U adroźnieńnie ad Kurapataŭ, nijakaja bolš paznavalnaja nazva za hetym miescam pakul tak i nie zamacavałasia.
U kancy 1980-ch hramadskaść ustalavała tut pamiatny kryž, potym jašče adzin, bolšy.
Budaŭniki pierakładajuć darožku da miesca, dzie stajaŭ kryž. Fota: «Mahiloŭ.media»
Ciapier vialiki kryž vykapany, a na samim miescy pamiaci prakładajecca novaja darožka. Jak raskazali budaŭniki vydańniu «Mahiloŭ.media», zamiest raniejšaha kryža budzie novy. Charakterna, što ŭstalavany hramadskaściu vialiki kryž — šaścikancovy, jon paŭtaraje formu Kryža Jeŭfrasińni Połackaj.
Chresny chod u lutym 2023 hoda. Fota: «Mahiloŭ.media»
Hod tamu, na vosieńskija Dziady, pradstaŭniki hramadskaści tradycyjna ŭskładali kvietki da hetaha kryža. A ŭ lutym hetaha hoda pradstaŭniki pravasłaŭnaj hramady arhanizavali da pamiatnaha kryža chresny chod z kazakami, choć zvyčajna Carkva, śledam za dziaržavaj, ihnaruje miescy masavych zabojstvaŭ 1920—1930-ch hadoŭ.
Čytajcie taksama:
Sa staličnaha parku Čaluskincaŭ źnikła zhadka pra achviar stalinskich represij
Milicyja admoviłasia šukać vinavatych u vandaliźmie ŭ «viciebskich Kurapatach»
U Kurapatach kamunalniki śpiłoŭvali drevy, tyja padali na kryžy