У інтэрнэце з'явіліся фота збітага ў кроў мужчыны, вельмі падобнага да Гіркіна-Стралкова
Фатаграфіі былі выкладзеныя некаторымі расійскімі Z-каналамі з пазнакай, што былога «міністра абароны ДНР» збіў украінскі палонны падчас прагулкі ў СІЗА.
24.09.2023 / 23:45
Мяркуецца, што на фота зняволены Ігар Стралкоў, які быў збіты ўкраінцам падчас прагулкі ў СІЗА. Фота: прарасійскія тэлеграм-каналы
Некаторыя расійскія прапагандысцкія каналы выклалі фота моцна збітага ў СІЗА нібыта Ігара Стралкова, камандзіра расійскіх штурмавых атрадаў у 2014 годзе і былога міністра так званай «ДНР», а пазней — блогера, вядомага сваёй шавіністычнай пазіцыяй.
Адзін з расійскіх Z-каналаў у тэлеграме пад фота растлумачыў, што гаворка ідзе менавіта пра Стралкова, якога моцна збіў «правы радыкал» (з намёкам на ўкраінскіх ваеннапалонных) падчас прагулкі ў СІЗА.
У тэксце згадваецца нядаўні выпадак, калі жонка Гіркіна-Стралкова паскардзілася на тое, што яе мужа вазілі на суд у адным аўтазаку з ваеннапалоннымі ўкраінцамі.
Ніякага афіцыйнага пацвярджэння, што на фота сапраўдны Ігар Гіркін, яшчэ не было.
Чытайце таксама:
«Ён сварыўся на людаедаў за іх недастатковы апетыт». Навальны назваў Стралкова палітвязнем
Стралкоў патлумачыў, нашто патрэбны адзін аднаму Лукашэнка і «Вагнер»
Гіркін пра Шайгу: Рэдкаснае спалучэнне дурня, злодзея і паскуды