Беларуска загінула ў Турцыі падчас палёту на параплане
У Турцыі ў выніку няшчаснага выпадку падчас палёту на параплане загінула грамадзянка Беларусі. Гэтую інфармацыю пацвердзілі БелТА ў МЗС.
25.09.2023 / 12:50
Фота: alanyapostasi.com.tr
Беларуска загінула на турэцкім курорце Аланья. У суправаджэнні інструктара яна рабіла скачок на ўзгорку Ясы-Тэпэ ў Аланьі, але на вялікай вышыні апарат пачаў рэзка падаць і ў выніку зваліўся на дрэвы.
Згодна з паведамленнямі СМІ, жанчына памерла на месцы, пілота шпіталізавалі з траўмамі.
Фота: alanyapostasi.com.tr
Пасольства Беларусі ў Турцыі знаходзіцца ў кантакце з турэцкімі кампетэнтнымі органамі і сям'ёй загінулай.