У ходзе канфлікту ў Нагорным Карабаху на мінулым тыдні загінулі 192 азербайджанскія вайскоўцы — Мінздароўя
Падчас дзеянняў Азербайджана ў Нагорным Карабаху, якія краіна называе» антытэрарыстычнымі мерапрыемствамі», загінулі 192 азербайджанскіх вайскоўцаў, 512 параненыя, паведамляе «Настоящее время» са спасылкай на Міністэрства аховы здароўя Рэспублікі.
27.09.2023 / 11:00
Дым узнімаецца пасля абстрэлу армянскіх пазіцый у Карабаху. 19 верасня 2023 года. Скрыншот з відэа: Stringer/Anadolu Agency via Getty Images
Раней стала вядома, што з тэрыторыі Нагорнага Карабаха ў Арменію прывезлі целы 125 загінулых армян. 68 чалавек з іх загінулі ў выніку выбуху на складзе з палівам, дзе яго раздавалі тым, хто збіраўся эвакуявацца.
Этнічныя армяне спрабуюць масава з'ехаць з Нагорнага Карабаха пасля таго, як Азербайджан 19 і 20 верасня правёў у рэгіёне «антытэрарыстычную аперацыю» і вымусіў улады самаабвешчанага ўтварэння здацца, а мясцовыя ўзброеныя фармаванні — скласці зброю.
Эксперты чакаюць, што пасля таго, як кантроль над рэгіёнам цалкам пяройдзе да Баку, практычна ўсе этнічныя армяне (больш за 120 тысяч чалавек) могуць пакінуць рэгіён.
Чытайце таксама:
Што такое Нагорны Карабах і што армяне з азербайджанцамі там дзеляць
Байдэн даслаў ліст з падтрымкай армянскаму прэм'еру Пашыняну