U chodzie kanfliktu ŭ Nahornym Karabachu na minułym tydni zahinuli 192 azierbajdžanskija vajskoŭcy — Minzdaroŭja
Padčas dziejańniaŭ Azierbajdžana ŭ Nahornym Karabachu, jakija kraina nazyvaje» antyterarystyčnymi mierapryjemstvami», zahinuli 192 azierbajdžanskich vajskoŭcaŭ, 512 paranienyja, paviedamlaje «Nastojaŝieje vriemia» sa spasyłkaj na Ministerstva achovy zdaroŭja Respubliki.
27.09.2023 / 11:00
Dym uźnimajecca paśla abstrełu armianskich pazicyj u Karabachu. 19 vieraśnia 2023 hoda. Skrynšot ź videa: Stringer/Anadolu Agency via Getty Images
Raniej stała viadoma, što z terytoryi Nahornaha Karabacha ŭ Armieniju pryvieźli cieły 125 zahinułych armian. 68 čałaviek ź ich zahinuli ŭ vyniku vybuchu na składzie z palivam, dzie jaho razdavali tym, chto źbiraŭsia evakujavacca.
Etničnyja armianie sprabujuć masava źjechać z Nahornaha Karabacha paśla taho, jak Azierbajdžan 19 i 20 vieraśnia pravioŭ u rehijonie «antyterarystyčnuju apieracyju» i vymusiŭ ułady samaabvieščanaha ŭtvareńnia zdacca, a miascovyja ŭzbrojenyja farmavańni — skłaści zbroju.
Ekśpierty čakajuć, što paśla taho, jak kantrol nad rehijonam całkam piarojdzie da Baku, praktyčna ŭsie etničnyja armianie (bolš za 120 tysiač čałaviek) mohuć pakinuć rehijon.
Čytajcie taksama:
Što takoje Nahorny Karabach i što armianie z azierbajdžancami tam dzielać
Bajden dasłaŭ list z padtrymkaj armianskamu premjeru Pašynianu