Азербайджан арыштаваў экс-кіраўніка Нагорнага Карабаха
Яго жонка неўзабаве выступіць з заявай.
27.09.2023 / 13:08
Фота: news.am
Пры пераходзе па Лачынскім калідоры, што злучае Нагорны Карабах з Арменіяй, азербайджанцамі затрыманы былы дзяржміністр Нагорнага Карабаха Рубен Варданян.
З офіса Рубена Варданяна паведамілі, што ў найбліжэйшы час жонка Рубена Варданяна Вераніка Зонабенд выступіць з заявай.
Вераніка Зонабенд паведаміла, што сувязь з мужам знікла, навіна аб арышце яна ўбачыла ў азербайджанскіх СМІ. Іншых падрабязнасцяў яна не паведаміла, піша news.am.