Azierbajdžan zatrymaŭ eks-kiraŭnika Nahornaha Karabacha
Rubien Vardanian — miljarder i pradprymalnik. Nahorny Karabach jon uznačaliŭ u listapadzie 2022 hoda, admoviŭšysia ad rasijskaha hramadzianstva.
27.09.2023 / 13:08
Rubien Vardanian. Fota z sajta BBC.
Pry pierachodzie pa Łačynskim kalidory, što złučaje Nahorny Karabach z Armienijaj, azierbajdžancami zatrymany były dziaržministr Nahornaha Karabacha Rubien Vardanian.
Z ofisa Rubiena Vardaniana paviedamili, što najbližejšym časam jaho žonka Vieranika Zonabiend vystupić z zajavaj.
Jana paviedamiła, što suviaź z mužam źnikła, navinu ab aryšcie jana ŭbačyła ŭ azierbajdžanskich ŚMI, piša news.am.
Rubien Vardanian — pradprymalnik-miljarder, fiłantrop. Suzasnavalnik humanitarnaj inicyjatyvy «Aŭrora», adzin z zasnavalnikaŭ i pieršy prezident (2006-2011) Maskoŭskaj škoły kiravańnia «Skołkava», suzasnavalnik UWC Dilijan College u Armienii, dzie vučylisia i biełaruskija studenty. U kastryčniku 2022 hoda admoviŭsia ad rasijskaha hramadzianstva i pierajechaŭ u Nahorny Karabach, dzie pahadziŭsia ŭznačalić rehijon.
***
Nahadajem, što na minułym tydni ŭ vyniku małankavaj vajny z Azierbajdžanam Nahorny Karabach kapitulavaŭ. Z rehijona pačaŭsia sychod armianaŭ u Armieniju. Učora paviedamlałasia, što Nahorny Karabach pakinuli za hety tydzień 13 500 čałaviek. Usiaho ŭ rehijonie, jaki armianie nazyvajuć Arcach, žyvie 120 tysiač čałaviek.
Čytajcie taksama:
Nahorny Karabach pryniaŭ rašeńnie ab kapitulacyi
Što takoje Nahorny Karabach i što armianie z azierbajdžancami tam dzielać
Biełaruska raskazała, što adbyvajecca ŭ Jerevanie paśla kapitulacyi Nahornaha Karabacha