Kamisija spartoŭcaŭ MAK 1 kastryčnika razhledzić rekamiendacyi pa ŭdziele biełarusaŭ u turnirach
Pytańnie z dopuskam biełaruskich i rasijskich atletaŭ da Alimpijady-2024 pakul nie vyrašana.
27.09.2023 / 13:34
Fota: Michel Euler File / AP
Kamisija atletaŭ Mižnarodnaha alimpijskaha kamiteta (MAK) u pieršy dzień Mižnarodnaha forumu spartoŭcaŭ razhledzić rekamiendacyi dla fiederacyj pa ŭdziele rasijskich i biełaruskich spartsmienaŭ u mižnarodnych turnirach u jakaści niejtralnych spartsmienaŭ, piša RIA «Naviny» sa spasyłkaj na MAK.
Mižnarodny forum spartoŭcaŭ projdzie 1-2 kastryčnika ŭ šviejcarskaj Łazanie.
Pytańnie z dopuskam biełaruskich i rasijskich atletaŭ da Alimpijady-2024, jakaja projdzie z 26 lipienia nastupnaha hoda ŭ Paryžy, pakul nie vyrašana.
26 lipienia 2023 hoda MAK rassyłaŭ zaprašeńni nacyjanalnym kamitetam roznych krain, ale zaprašeńni nie byli adpraŭlenyja Biełarusi, Rasii i Iranu.
Raniej MAK kazaŭ, što spartoŭcy ź Biełarusi i Rasii buduć dapuščanyja da Alimpijady ŭ niejtralnym statusie pry ŭmovie asudžeńnia rasijskaha ŭvarvańnia va Ukrainu. Taksama spartoŭcy nie pavinny pradstaŭlać siłavyja struktury.
Adnak taksama varta ŭličvać, što jurydyčnaha dopusku moža być mała, pavinny być zavajavanyja licenzii na ŭdzieł u Alimpijadzie, tamu spartoŭcy pavinny paśpieć uziać udzieł u spabornictvach.
Čytajcie taksama:
Rašeńnie ab udziele biełarusaŭ u Alimpijadzie-2024 nie budzie pryniata vosieńniu — MAK
Biełarusam nie pakažuć najbujniejšych spartyŭnych spabornictvaŭ novaha siezona — Ejsmant