Kiroŭcu Tesla, pa vinie jakoha pad Słuckam na chutkaści 160 km/h zahinuŭ pasažyr, vynieśli prysud
11 červienia karšerynhavy aŭtamabil Tesla Model 3 vylecieŭ z darohi i pierakuliŭsia. Zahinuŭ pasažyr, jašče adzin atrymaŭ ciažkija traŭmy. Na hetym tydni sud vynies rašeńnie pa hetaj spravie.
30.09.2023 / 10:50
Fota: slutsk-gorod.by
U mašynie jechali piać čałaviek, čatyry chłopcy i dziaŭčyna. 30-hadovy pasažyr pamior, 32-hadovy pasažyr atrymaŭ ciažkija cialesnyja paškodžańni. Trahiedyja zdaryłasia pablizu vioski Novy Dvor, piša Slutsk-gorod.by.
Kryminalnaja sprava była razhledžana sudom Słuckaha rajona 25 vieraśnia.
Vyśvietliłasia, što 30-hadovy kiroŭca byŭ pjany. Na zakruhleńni darohi pry chutkaści kala 160 km/h jon nie daŭ rady kiravańniu i vylecieŭ u kiuviet. Pryčym ani kiroŭca, ani pasažyry nie byli pryšpilenyja ramianiami biaśpieki.
Fota: slutsk-gorod.by
Mužčynu asudzili adrazu pa niekalkich artykułach KK i šlacham častkovaha składańnia pakarańniaŭ dali piać hadoŭ i dva miesiacy kałonii va ŭmovach ahulnaha režymu. Taksama jaho pazbavili prava zajmacca dziejnaściu, źviazanaj z kiravańniem transpartnymi srodkami, terminam na 8 hadoŭ.
Razam z tym u jakaści źmiakčalnych abstavinaŭ sud uličyŭ čystasardečnaje raskajańnie abvinavačanaha i najaŭnaść u jaho na ŭtrymańni małaletniaha dziciaci. U svaju čarhu ŭskładniła vinu toje, što jon užo pryciahvaŭsia da adkaznaści za jazdu biez prava kiravańnia.
U jakaści hramadzianskaha adkazčyka ŭ sudzie prachodziŭ jašče adzin čałaviek — arandatar aŭtamabila Tesla, jaki pieradaŭ kiravańnie padsudnamu pa kryminalnaj spravie.
Ź jaho sud spahnaŭ ahułam 100 000 rubloŭ kampiensacyi maralnaj škody (ź ich pa 40 000 rubloŭ kožnamu z baćkoŭ i 20 000 rubloŭ — bratu zahinułaha).
Čytajcie taksama:
Zjaviłasia videa DTZ u Baranavičach, u jakim zahinuli kiroŭca i pasažyr matacykła
U Homieli aŭtamabil milicyi trapiŭ u DTZ i pierakuliŭsia
Vyniesieny prysud kiroŭcu MAZa, abvinavačanaha ŭ hibieli 13 čałaviek u DTZ pad Smalavičami