Marharyta Laŭčuk jedzie z kancertami na front
Viadomaja opiernaja śpiavačka Marharyta Laŭčuk dałučyłasia da ŭkrainskaj inicyjatyvy dziejačoŭ mastactva, jakija dajuć kancerty na froncie.
02.10.2023 / 00:55
Marharyta Laŭčuk i Kola Siarha. Skryn videa ź instahrama śpiavački
«Ja ŭstupiła ŭ šerahi «Kulturnaha desantu» i jedu na front z kancertami, śpiavać dla abaroncaŭ Ukrainy. Dziakuj Kola (ukrainski televiadučy i muzyka Kola Siarha. — NN) za zaprašeńnie! Dla mianie heta vialiki honar! Razam da pieramohi! Słava Ukrainie! Žyvie Biełaruś!» — napisała Marharyta ŭ instahramie.
«Kulturny desant» — heta abjadnańnie dziejačaŭ mastactva va Ukrainie, jakija jeździać vystupać na liniju frontu, u špitali, u deakupavanyja rajony. Usiaho, jak adznačajecca na sajcie inicyjatyvy, było dadziena 2000 kancertaŭ. Meta muzykaŭ — psichałahična padtrymać vajskoŭcaŭ.
Marharyta Laŭčuk nie tak daŭno, u žniŭni, jeździła va Ukrainu. Tady jana zavitała da bajcoŭ pałka Kalinoŭskaha i vystupała dla biełaruskich dobraachvotnikaŭ.
Čytajcie taksama:
«Šmat scykła siarod mužčyn». Marharyta Laŭčuk raskazała pra svaju pajezdku ŭ vajennuju Ukrainu
Marharyta Laŭčuk źniała svoj film — pra hvałt dziaržaŭnaj simvolikaj