64-гадовая беларуска падняла БЧБ-сцяг над адной з найвышэйшых гор свету
У 64 гады беларуска ўзышла на вышыню 8167 метраў, стаўшы найстарэйшай жанчынай у свеце, якая здзейсніла такое ўзыходжанне.
02.10.2023 / 08:52
Лілія Яноўская на Дхаўлагіры, 30 верасня. Фота: liliya.ianovskaia.mountaineer / Facebook
Лілія Яноўская 30 верасня скарыла сваю сёмую гару, вышэйшую за 8000 местраў. На гімалайскай вершыні Дхаўлагіры яны традыцыйна ўняла бел-чырвона-белы сцяг.
«Цяжка паверыць, што мы скарылі гэтую дзіўную гару. Дхаўлагіры — сёмая па вышыні гара ў свеце. Пакуль гэта была адна з маіх найлепшых экспедыцый», — напісала альпіністка ў фэсйбуку.
Летась жанчына разам з дачкой узняла нацыянальны сцяг на найвышэйшую кропку свету — пік Эвэрэст.
Лілія Яноўская з Мінска,. Разам з сямʼёй напрыканцы 1990-х пераехала ў Канаду. Цяпер жыве ў Таронта. Па адукацыі яна матэматык і эканаміст. Больш за 20 гадоў працавала «ў прыватным бізнесе па паркетнай вытворчасці». Тры гады таму жанчына вырашыла змяніць сваё жыццё і прысвяціць асноўны час таму, што горача любіць, — альпінізму і скалалажанню.
Усяго ў свеце 14 гор, вышэйшых за 8000 метраў.