Ci časta miadźviedzi ŭ Biełarusi napadajuć na ludziej?
U Biełarusi naličvajecca kala 700 miadźviedziaŭ, paviedamlaje sb.by sa spasyłkaj na Ministerstva lasnoj haspadarki.
03.10.2023 / 15:30
Fota: murguia / photography / Getty Images
Kali 10 hadoŭ tamu ŭ lasach Biełarusi, pieravažna na poŭnačy, žyło 100-120 asobin, to ciapier ich naličvajecca kala 700, pryčym jany zachodziać i ŭ paŭdniovyja rehijony. «Adnak z paślavajennych časoŭ nie rehistravałasia vypadkaŭ napadu miadźviedzia na čałavieka», — zapeŭniŭ Alaksandr Kazarez, načalnik adździeła palaŭničaj haspadarki Minlashasa.
Adziny incydent adbyŭsia niekalki tamu hadoŭ, ale tam čałaviek sam spravakavaŭ žyviołu. Tamu samaje hałoŭnaje — nie pravakavać! Litaralna 2-3 tydni tamu byŭ vypadak u Nalibockaj puščy, kali ŭbačyli miadźviedzia, jaki bieh uzdoŭž trasy. Spyniłasia šmat mašyn, usie ludzi pajšli fatahrafavać prosta da sietki, jakaja aharodžvaje trasu. Miadźviedziu heta vidavočna nie spadabałasia, jon rabiŭ papieradžalnyja vypady.
Adnak nie varta imknucca da kantaktu ź miadźviedziem u pahoni za pryhožym kadram. Heta bujny i mocny drapiežnik, pravakavać jaho ni ŭ jakim razie nielha, zaznačyŭ śpiecyjalist.
Čytajcie taksama:
Źniali na VIDEA, jak na Homielščynie miadźviedź razhramiŭ pčalnik
Čeračań zabiŭ rasijskaha miadźviedzia
U Kałodziščach pad Minskam zaŭvažyli miadźviedzia
Miadźviedź na miažy Litvy ź Biełaruśsiu prateściravaŭ nadziejnaść pamiežnaha płota VIDEA
Pad Červieniem miadźviedź pasialiŭsia na kukuruznym poli pobač z chatami