У Нагорным Карабаху засталася максімум тысяча армян
Паток перасяленцаў ужо амаль спыніўся. На мяжы з Арменіяй ужо няма калон.
03.10.2023 / 16:16
Пустая цэнтральная плошча ў Сцепанакерце 2 кастрычніка. Скрыншот відэа Al Jazeera
У Нагорным Карабаху засталася максімум тысяча этнічных армян, паведаміла місія ААН, якая прыбыла ў рэгіён упершыню за 30 гадоў.
Па даных Сусветнай арганізацыі аховы здароўя, больш за 100 тысяч этнічных армян з Нагорнага Карабаха ўжо з'ехалі ў Арменію.
На кадрах тэлеканала Al Jazeera са Сцепанакерта бачная пустая цэнтральная плошча, заваленая смеццем, кінутымі дзіцячымі вазкамі і самакатамі.
У ААН кажуць, што не выявілі шкоды цывільнай грамадскай інфраструктуры ў горадзе. Пры гэтым усе крамы ў горадзе зачыненыя.
Выпадкаў гвалту ў дачыненні да звычайнага насельніцтва пасля спынення агню таксама не зафіксавана. Але місія «была здзіўленая тым, як раптам мясцовае армянскае насельніцтва пакінула свае дамы, і пакутамі, якія гэта, відаць, выклікала».
Паток перасяленцаў ужо амаль спыніўся. На мяжы з Арменіяй ужо няма калон.
Чытайце таксама:
Экс-кіраўніка Нагорнага Карабаха арыштавалі па абвінавачанні ў фінансаванні тэрарызму
Што такое Нагорны Карабах і што армяне з азербайджанцамі там дзеляць