Azierbajdžan zatrymaŭ troch byłych prezidentaŭ niepryznanaha Nahornaha Karabacha i byłoha staršyniu parłamienta
Pa słovach nienazvanaha parłamientaryja niepryznanaj respubliki, źviazacca z byłymi prezidentami i śpikieram NKR nie ŭdajecca bolš za sutki.
04.10.2023 / 06:58
Araik Arucianiun. Skrynšot videa
Siłaviki Azierbajdžana zatrymali byłych prezidentaŭ niepryznanaj Armianskaj Respubliki ŭ Nahornym Karabachu Arkadzia Hukasiana, Baka Saakiana i Araika Aruciuniana, a taksama eks-«staršyniu parłamienta» Davida Išchaniana, piša «Echo Kavkaza».
Hukasiana, Saakiana i Išchaniana pryvieźli ŭ Baku, tady jak Aruciuniana tolki pieravoziać u azierbajdžanskuju stalicu. Heta infarmacyja pakul nie paćvierdžanaja aficyjna.
Adzin z deputataŭ niepryznanaj NKR paviedamiŭ, što ŭ Armieniju praz azierbajdžanski punkt propusku prybyli jaje dyrektar Słužby nacyjanalnaj biaśpieki Ararat Miełkumian, ministr unutranych spraŭ Karen Sarhsian, dziaržministr Artur Aruciunian i «kiraŭnik Administracyi prezidenta» Karen Šachramanian.
Pa słovach nienazvanaha parłamientaryja niepryznanaj respubliki, źviazacca z byłymi prezidentami i śpikieram NKR nie ŭdajecca bolš za sutki.
Na minułym tydni pry sprobie vyjechać u Armieniju ŭ Łačynskim kalidory byŭ zatrymany były kiraŭnik urada Nahornaha Karabacha Rubien Vardanian, a eks-ministr zamiežnych spraŭ David Babajan dobraachvotna zdaŭsia azierbajdžanskim uładam.
Nahorny Karabach kapitulavaŭ na minułym tydni, paśla pačaŭsia masavy adychod žycharoŭ u Armieniju. Rehijon pakinuli 100 tysiač čałaviek. Tam zastałosia nie bolš za 1000 čałaviek.
Čytajcie taksama:
U Nahornym Karabachu zastałasia maksimum tysiača armian
Što takoje Nahorny Karabach i što armianie z azierbajdžancami tam dzielać