Čempijanat Jeŭropy pa futbole ŭ 2028 hodzie projdzie na terytoryi piaci asacyjacyj
Jeŭra-2028 projdzie ŭ Vialikabrytanii i Irłandyi, paviedamlaje UEFA.
04.10.2023 / 12:39
Čempijanat Jeŭropy pa futbole ŭ 2028 hodzie projdzie ŭ dźviuch krainach: Irłandyi i Vialikabrytanii (histaryčna heta čatyry futbolnyja asacyjacyi: Anhlii, Uelsa, Paŭnočnaj Irłandyi, Šatłandyi — to-bok zbornyja hetych asacyjacyj biaruć paasobku ŭdzieł u futbolnych čempijanatach Jeŭropy i śvietu abo jeŭrakubkach, ale na Alimpijadach vystupaje adzinaja zbornaja Vialikabrytanii).
Turcyja admoviłasia ad zajaŭki na praviadzieńnie turniru, tamu zajaŭka zastałasia ad Vialikabrytanii i Irłandyi.
U Anhlii čempijanat Jeŭropy pravodziŭsia ŭ 1996 hodzie.
U dźviuch krainach čempijanaty Jeŭropy pa futbole pravodzilisia niekalki razoŭ: u 2000 hodzie ŭ Bielhii i Niderłandach, u 2008 — u Aŭstryi i Šviejcaryi, u 2012-m — u Polščy i Ukrainie.
U 2021 (jon byŭ pieraniesieny na hod z-za kavidu) čempijanat Jeŭropy prajšoŭ u 12 haradach 11 krain.
Taksama miarkujecca, što ŭ Jeŭra-2028 voźmuć upieršyniu ŭdzieł 32 kamandy. U 2016 i 2021 hadach u hałoŭnych jeŭrapiejskich turnirach udzieł brali pa 24 kamandy.
Jeŭra-2024 projdzie ŭ Niamieččynie.
Čytajcie taksama:
«Barsiełona» praciahnuła kantrakt z 16-hadovym paŭabaroncam. Suma adstupnych składzie miljard jeŭra
UEFA razhladaje mahčymaść ukaranieńnia absalutna novaha farmatu jeŭrakubkaŭ
Hety słavuty i samabytny futbolny kłub moža spynić isnavańnie — miedyja