U Biełarusi prapanujuć čypiravać usich sabak i katoŭ
Taksama budzie niekalki novaŭviadzieńniaŭ: naprykład, nielha budzie vyhulvać žyviołu ŭ pjanym vyhladzie.
05.10.2023 / 08:33
Fota: Naša Niva
Ułaśniki sabak i katoŭ u Biełarusi buduć abaviazanyja čypiravać svaich hadavancaŭ ciaham 14 dzion z dnia ich nabyćcia, havorycca ŭ apublikavanym zakonaprajekcie «Ab adkaznym abychodžańni z žyviołami».
Pry hetym čypiravańnie čatyrochnohich, zarehistravanych da pryniaćcia zakona, budzie dobraachvotnaj spravaj haspadara. Kali ž sabaka abo kot nie byli zarehistravanyja, to ich pryjdziecca ŭ abaviazkovym paradku zarehistravać na praciahu troch hadoŭ paśla ŭstupleńnia zakona ŭ siłu, piša «Sputnik».
U artykule 29 zakonaprajekta havorycca ab čypiravańni nie tolki darosłych žyvioł, ale taksama kacianiat i ščaniukoŭ.
«Uładalniki hadavalnikaŭ i zavodčyki, jakija majuć nierealizavany prypłod, pavinny čypiravać prypłod na praciahu čatyrnaccaci dzion z momantu dasiahnieńnia prypłod čatyrochmiesiačnaha ŭzrostu», — skazana ŭ prajekcie zakona.
Bolš detalovy paradak čypiravańnia katoŭ i sabak prapiša ŭrad.
Akramia čypiravańnia ŭ zakonie zakranuty mnohija inšyja aśpiekty ŭtrymańnia chatnich žyvioł. Naprykład, u žyvioły pavinna być rehistracyja.
«Rehistracyi padlahajuć sabaki, u tym liku palaŭničyja, katy ŭ chatnich umovach, a taksama dzikija žyvioły, jakija znachodziacca ŭ niavoli», — abviaščaje artykuł 22.
Kali kotk abo sabaka ŭtrymlivajucca doma, to ich rehistracyjaj zajmajucca miascovyja ŭłady. Na kožnuju žyviołu vydaduć paśviedčańnie i žeton. Apošni pavinien być pastajanna prymacavany da našyjniku, kali hadavaniec znachodzicca «za miežami miesca jaho pastajannaha znachodžańnia».
Kali sabaka abo kot zahinuli abo pamierli, abo ich «ŭsypili», na praciahu 10 dzion haspadar abaviazany paviedamić arhanizacyi-rehistrataru pa miescy žycharstva. Ab pierajezdach taksama pryjdziecca paviedamlać, i ŭ taki ž termin, — paśla prybyćcia.
Taksama buduć uviedzienyja asablivyja patrabavańni, kali prymuć zakon, da pieravozki žyvioł.
Pjanamu haspadaru, zhodna z zakonaprajektam, budzie zabaroniena zabaraniajecca vyhulvać čaćvieranohaha siabra. Akramia taho, uvachod na dziciačyja placoŭki z katami i sabakami budzie zakryty. Svabodny vyhuł u nasielenym punkcie budzie mahčymy ŭ śpiecyjalna adviedzienych miescach.
Hety prajekt zakona ŭ Pałatu pradstaŭnikoŭ uniesła deputat Maryja Vasilevič. Taki dakumient jana anansavała nieŭzabavie paśla jaje abrańnia ŭ Pałatu pradstaŭnikoŭ u 2019 hodzie.
Anałahičny dakumient razhladaŭsia ŭ nižniaj pałacie biełaruskaha parłamienta bolš za dziasiatak hadoŭ tamu. U im taksama była norma ab abaviazkovym čypiravańni. Ale dakumient tady adklikali, paličyŭšy, što hramadstva nie hatovaje.
Čytajcie taksama:
«Nikudy nie sychodzić i čakaje haspadara». U Słonimie vykinuli na śmietnicu parodzistaha kata
U vioscy pad Hrodnam znajšli zialonaje kaciania. I heta jaho naturalny koler