Praz try hady piensijaniery znoŭ vyjšli na marš, ciapier — partyzanski VIDEA
5.10.2023 / 9:9
Roŭna try hady tamu, 5 kastryčnika 2020 hoda, prajšoŭ pieršy marš piensijanieraŭ — jany aburylisia hvałtam dy chłuśnioj i vyjšli na minski praśpiekt Niezaležnaści.
Hetyja akcyi piensijanieraŭ praciahvalisia kožny paniadziełak na praciahu dvuch miesiacaŭ, pakul nie byli zadušanyja — suprać starych užyvali ślezaciečny haz i hukašumavyja hranaty. Piensijanieraŭ kidali na sutki, i ich šmat siarod palitźniavolenych.
Praz try hady jany znoŭ praviali svoj partyzanski marš. Jany pa-raniejšamu marać ab sumlennych vybarach i kab usie palitviaźni vyjšli na volu.