Іллю Двойрына, які абліў фарбай аўто з літарай «Z», зноў затрымалі і далі 15 сутак
Артыкул, па якім абвінавацілі Іллю, пакуль невядомы.
05.10.2023 / 09:18
Ілля Двойрын. Фота: сацсеткі
Жыхара Наваполацка Іллю Двойрына, якога нядаўна асудзілі за абліты фарбай аўтамабіль з крымскімі нумарамі і літарай «Z», затрымалі ізноў, піша «Вясна».
Праваабаронцам вядома, што затрыманне адбылося 4 кастрычніка па месцы працы Двойрына. У той жа дзень быў складзены пратакол адміністрацыйнага правапарушэння і суд пастанавіў арыштаваць яго на 15 сутак. Артыкул, па якім абвінавацілі Іллю, пакуль невядомы.
28 верасня суд горада Наваполацка пастанавіў пакараць Двойрына пазбаўленнем волі тэрмінам на адзін год умоўна.
Справу разглядаў суддзя Віталь Лапко.