Illu Dvojryna, jaki abliŭ farbaj aŭto ź litaraj «Z», znoŭ zatrymali i dali 15 sutak
Artykuł, pa jakim abvinavacili Illu, pakul nieviadomy.
05.10.2023 / 09:18
Illa Dvojryn. Fota: sacsietki
Žychara Navapołacka Illu Dvojryna, jakoha niadaŭna asudzili za ablity farbaj aŭtamabil z krymskimi numarami i litaraj «Z», zatrymali iznoŭ, piša «Viasna».
Pravaabaroncam viadoma, što zatrymańnie adbyłosia 4 kastryčnika pa miescy pracy Dvojryna. U toj ža dzień byŭ składzieny pratakoł administracyjnaha pravaparušeńnia i sud pastanaviŭ aryštavać jaho na 15 sutak. Artykuł, pa jakim abvinavacili Illu, pakul nieviadomy.
28 vieraśnia sud horada Navapołacka pastanaviŭ pakarać Dvojryna pazbaŭleńniem voli terminam na adzin hod umoŭna.
Spravu razhladaŭ sudździa Vital Łapko.