Rasija raźmieścić jašče adnu vajskovuju bazu ŭ Abchazii
U Ačamčyrskim rajonie źjavicca punkt pastajannaha bazavańnia rasijskaha vajskova-marskoha fłotu, zajaviŭ prezident niepryznanaha rehijona Asłan Bžanija ŭ intervju «Iźviestijam».
05.10.2023 / 11:51
U Abchazii raźmiaščajecca 7-ja rasijskaja vajskovaja baza kolkaściu 4000 čałaviek. Fota: Wikimedia Commons
«U dzień našaha śviata (30 vieraśnia — Dzień «Pieramohi i niezaležnaści Abchazii») da nas zajšoŭ mały rakietny karabiel, my padnialisia na bort — vielmi sučasnaje sudna z surjoznymi bajavymi mahčymaściami. My padpisali pahadnieńnie, i najbližejšym časam u Ačamčyrskim rajonie budzie punkt pastajannaha bazavańnia vajskova-marskoha fłotu RF», — paviedamiŭ jon.
Bžanija ŭdakładniŭ, što metaj pryniaćcia rašeńnia było pavyšeńnie ŭzroŭniu abaranazdolnaści Abchazii i Rasii, bo heta adpaviadaje karennym intaresam hramadzian.
«My nie źbirajemsia nikoha pravakavać svajoj słabaściu, my viedajem, što nam treba i jak nam dziejničać. Pry hetym chaču asabliva padkreślić, što my zacikaŭleny ŭ miry i ŭ dobrasusiedskich adnosinach. Ale ŭ hetym vypadku, skažam tak, miač na ich baku», — padsumavaŭ Bžanija.