У Осла назвалі нобелеўскага лаўрэата прэміі міру
Сёння ў Осла назвалі імя нобелеўскага лаўрэата прэміі міру. Ім стала іранская праваабаронца Наргіз Махамадзі, асуджаная ў сваёй краіне на 16 гадоў турмы.
06.10.2023 / 12:01
Наргіз Махамадзі. Фота: Morteza Nikoubazl / NurPhoto via Getty Images
Наргіз Махамадзі атрымала прэмію «за барацьбу супраць прыгнёту жанчын у Іране і прасоўванне правоў чалавека і свабоды для ўсіх».
Махамадзі з'яўляецца праваабаронцай і віцэ-прэзідэнткай Цэнтра абаронцаў правоў чалавека, узначаленага лаўрэатам Нобелеўскай прэміі міру Шырын Эбадзі.
У маі 2016 года яе асудзілі ў Тэгеране да 16 гадоў турэмнага зняволення за стварэнне і кіраўніцтва «праваабарончым рухам, які выступае за адмену смяротнага пакарання».
Год таму прэмію міру атрымаў беларускі праваабаронца Алесь Бяляцкі, які на той час быў за кратамі, а ў сакавіку 2023 года асуджаны на 10 гадоў калоніі.
Завершацца нобелеўскія дні ў панядзелак, калі назавуць пераможцу прэміі па эканоміцы.
Чытайце таксама:
Абвешчаны лаўрэат Нобелеўскай прэміі па літаратуры
Названыя нобелеўскія лаўрэаты па хіміі. Сярод іх — выхадзец з СССР
Нобелеўскую прэмію па фізіцы раздзеляць тры чалавекі
Названыя першыя лаўрэаты нобелеўскай прэміі
Нобелеўская прэмія міру і па літаратуры: на каго ставяць букмекеры