U Osła nazvali nobieleŭskaha łaŭreata premii miru
Siońnia ŭ Osła nazvali imia nobieleŭskaha łaŭreata premii miru. Im stała iranskaja pravaabaronca Narhiz Machamadzi, asudžanaja ŭ svajoj krainie na 16 hadoŭ turmy.
06.10.2023 / 12:01
Narhiz Machamadzi. Fota: Morteza Nikoubazl / NurPhoto via Getty Images
Narhiz Machamadzi atrymała premiju «za baraćbu suprać pryhniotu žančyn u Iranie i prasoŭvańnie pravoŭ čałavieka i svabody dla ŭsich».
Machamadzi źjaŭlajecca pravaabaroncaj i vice-prezidentkaj Centra abaroncaŭ pravoŭ čałavieka, uznačalenaha łaŭreatam Nobieleŭskaj premii miru Šyryn Ebadzi.
U mai 2016 hoda jaje asudzili ŭ Tehieranie da 16 hadoŭ turemnaha źniavoleńnia za stvareńnie i kiraŭnictva «pravaabarončym rucham, jaki vystupaje za admienu śmiarotnaha pakarańnia».
Hod tamu premiju miru atrymaŭ biełaruski pravaabaronca Aleś Bialacki, jaki na toj čas byŭ za kratami, a ŭ sakaviku 2023 hoda asudžany na 10 hadoŭ kałonii.
Zavieršacca nobieleŭskija dni ŭ paniadziełak, kali nazavuć pieramožcu premii pa ekanomicy.
Čytajcie taksama:
Abvieščany łaŭreat Nobieleŭskaj premii pa litaratury
Nazvanyja nobieleŭskija łaŭreaty pa chimii. Siarod ich — vychadziec z SSSR
Nobieleŭskuju premiju pa fizicy raździelać try čałavieki
Nazvanyja pieršyja łaŭreaty nobieleŭskaj premii
Nobieleŭskaja premija miru i pa litaratury: na kaho staviać bukmiekiery