Зняволеную адвакатку Юлію Юргілевіч уганаравалі Міжнароднай прэміяй Тэр'е ў галіне правоў чалавека
У канцы жніўня Юлію асудзілі на шэсць гадоў калоніі.
06.10.2023 / 12:26
Юлія Юргілевіч
Адвакатцы Юліі Юргілевіч далі Міжнародную прэмію Людовіка Тэр'е ў галіне правоў чалавека.
Гэта прэмія была заснавана ў 1984 годзе і ўручаецца юрысту, які сваёй актыўнай дзейнасцю садзейнічае абароне правоў чалавека, права на абарону, садзейнічае вяршэнству права, вядзе барацьбу з расізмам і нецярпімасцю ў любой форме.
Першай асобай уганараванай гэтай прэміяй быў Нэльсан Мандэла, піша «Вясна».
Юлія Юргілевіч — адвакатка, якая абараняла шматлікіх палітвязняў і ў лютым 2022 года была пазбаўлена ліцэнзіі.
Яна была затрымана напрыканцы жніўня 2022 года па вяртанні ў Беларусь з Польшчы. Пазней яе асудзілі разам з журналістам Паўлам Мажэйкам на шэсць гадоў калоніі за «садзейнічанне экстрэмісцкай дзейнасці».
Падтрымайце Юлію: Турма № 1. 230023, Гродна, Кірава, 1, Юлія Пятроўна Юргілевіч
Чытайце таксама:
Другі дзень суда над Мажэйкам і Юргілевіч. Юлія заявіла, што яе трымаюць у «скоцкіх умовах»