Źniavolenuju advakatku Juliju Jurhilevič uhanaravali Mižnarodnaj premijaj Terje
U kancy žniŭnia hetuju jurystku z Hrodna asudzili na šeść hadoŭ kałonii pa palityčnych matyvach.
06.10.2023 / 12:26
Julija Jurhilevič
Advakatcy Julii Jurhilevič dali Mižnarodnuju premiju Ludovika Terje ŭ halinie pravoŭ čałavieka.
Heta premija była zasnavana ŭ 1984 hodzie i ŭručajecca jurystu, jaki svajoj aktyŭnaj dziejnaściu sadziejničaje abaronie pravoŭ čałavieka, prava na abaronu, sadziejničaje viaršenstvu prava, viadzie baraćbu z rasizmam i nieciarpimaściu ŭ luboj formie.
Pieršaj asobaj uhanaravanaj hetaj premijaj byŭ Nelsan Mandeła, piša «Viasna».
Julija Jurhilevič — advakatka, jakaja abaraniała šmatlikich palitviaźniaŭ i ŭ lutym 2022 hoda była pazbaŭlena licenzii.
Jana była zatrymana naprykancy žniŭnia 2022 hoda pa viartańni ŭ Biełaruś z Polščy. Paźniej jaje asudzili razam z žurnalistam Paŭłam Mažejkam na šeść hadoŭ kałonii za «sadziejničańnie ekstremisckaj dziejnaści».
Padtrymajcie Juliju: Turma № 1. 230023, Hrodna, Kirava, 1, Julija Piatroŭna Jurhilevič
Čytajcie taksama:
Druhi dzień suda nad Mažejkam i Jurhilevič. Julija zajaviła, što jaje trymajuć u «skockich umovach»