Za padpisku na try «ekstremisckija» resursy aryštavali rabotnika «Naftana»
Sudździa suda horada Navapołacka Zinaida Bałabołava 28 vieraśnia za padpisku na try «ekstremisckija» infarmacyjnyja resursy aryštavała na troje sutak rabotnika AAT «Naftana» Dzianisa Filitaryna, paviedamlaje «Viciebskaja viasna».
06.10.2023 / 18:28
Na sudovym pasiedžańni było abvieščana, što ŭ Dzianisa ŭ sacyjalnaj sietcy «VKontaktie» ŭ raździele «Padpiski» supracoŭnik adździeła 7-ha ŭpraŭleńnia HUBAZiK vyjaviŭ padpiski na staronku «STOP LUKA», supołku «Naš kraj» i hrupu «Anłajn-płatforma «Hołas».
U sudzie «pravaparušalnik» pryznaŭ, što sapraŭdy mieŭ na svajoj staroncy ŭ sacyjalnych sietkach roznyja padpiski i publikacyi, u tym liku i z hetych resursaŭ.
Sudździa Bałabołava ŭličyła, što Filitaryn pryznaŭ vinu i maje na ŭtrymańni dvuch niepaŭnaletnich dziaciej. Kirujučysia č.2 art. 19.11 KaAP, jana pastanaviła aryštavać mužčynu na troje sutak biez kanfiskacyi prynaležnych jamu hadžetaŭ.
Čytajcie taksama:
Źniavolenuju advakatku Juliju Jurhilevič uhanaravali Mižnarodnaj premijaj Terje