U sotniach nasielenych punktaŭ z-za niepahadzi prablemy z elektryčnaściu
7 kastryčnika pa terytoryi krainy prachodzić cykłon sa škvalistym vietram. Pa danych na 17.00 byli zafiksavanyja pieraboi ŭ elektrazabieśpiačeńni ŭ 296 nasielenych punktach, paviedamiła Ministerstva enierhietyki.
07.10.2023 / 19:34
Ciaham dnia elektrazabieśpiačeńnie, jak paviedamlajecca, było adnoŭlena ŭ 340 nasielenych punktach. Nastupstvy niepahadzi najbolš adčuvalnyja ŭ Minskaj, Hrodzienskaj i Viciebskaj abłaściach. Bolš za ŭsio paciarpieli Maładziečanski, Barysaŭski, Minski, Hłybocki, Połacki, Navahrudski i Iŭjeŭski rajony.
Enierhietyki pracujuć va ŭzmocnienym režymie, u likvidacyi nastupstvaŭ niepahadzi zadziejničali 72 avaryjnyja bryhady i 69 adzinak techniki. Raboty ŭskładniajuć pavalenyja vietram na linii elektrapieradač drevy i haliny.
U toj ža čas Ministerstva pa nadzvyčajnych situacyjach paviedamlaje, što ŭ Minsku pavalenyja drevy paškodzili 6 aŭtamabilaŭ. «Na 18.00 padraździaleńni MNS vyjazdžali na raśpiłoŭku dreŭ, źniaćcie listoŭ blachi i baneraŭ 30 razoŭ», — adznačaje viedamstva.
Čytajcie taksama:
Sinoptyki papiaredzili pra pieršy śnieh na vychodnych
U Minsku mocny viecier źnios prypynak FOTAFAKT
Pieršaja vobłaść abviaściła pra pačatak aciaplalnaha siezona