Praz mocny viecier budaŭničy płot pieraharadziŭ praśpiekt u Minsku
8.10.2023 / 19:49
U Minsku mocny viecier paznosiŭ płaty, raskidaŭ darožnyja aharodžy i pavaliŭ dreva. Takoje ž nadvorje ŭ Biełarusi prahnazujecca i ŭ paniadziełak, 9 kastryčnika.
Płot pieraharadziŭ praśpiekt Niezaležnaści kala Hałoŭpaštamta. Skrynšot videa ź instahrama mc_maxim
Na praśpiekcie Niezaležnaści viecier źnios budaŭničy płot la Hałoŭpaštamta na prajeznuju častku. U vyniku pieraharadziŭ pałovu pałos. Rabočyja apieratyŭna prybrali jaho z darohi, paviedamlaje «Zierkało».
Niepahadź u Minsku. Skrynšot videa ź instahrama mc_maxim
A na vulicy Vaŭpšasava paryvami vietru raskidała darožnuju aharodžu. Heta taksama zaminała prajezdu mašyn.
U rajonie Traktarnaha zavoda vietram vyrvała dreva ź ziamli. Susiednija jełki i vierby, adnak, nie paciarpieli.
Nahadajem, siońnia ŭ Biełarusi zachoŭvajecca mocny zachodni i paŭnočna-zachodni viecier — miescami da 24 m/s. Unačy ŭ paniadziełak, 9 kastryčnika, na bolšaj častcy krainy, a dniom pa ŭschodzie taksama čakajecca viecier paryvami 15-20 m/s. Abvieščany aranžavy ŭzrovień niebiaśpieki.
U subotu, 7 kastryčnika, mocny viecier paškodziŭ piać dachaŭ, pavaliŭ 240 dreŭ, byli paškodžany 32 aŭta.