Izrail hetaj nočču nanosiŭ masiravanyja ŭdary pa siektary Haza. Źniščajuć damy bajevikoŭ, atakavana kala 500 celaŭ
Paviedamlajecca, što likvidavany adzin z kamandziraŭ bajevikoŭ Ryfat Abu-Chiłal, jon ža «Abu al-Abad».
09.10.2023 / 07:34
Fota: Fatima Shbair / AP
Avijacyja Izraila ŭ noč na 9 kastryčnika praciahnuła nanosić udary pa siektary Haza, kab «źniščyć mahčymaści terarystyčnaj hrupy CHAMAS», vajskoŭcy bambiać nie tolki damy kamandziraŭ, a damy ŭsich bajevikoŭ, piša Times of Israel.
Atakavana kala 500 celaŭ. Ciarod celaŭ, paciarpiełych u noč na 9 kastryčnika, byli:
- niekalki kamandnych punktaŭ;
- budynak, dzie pražyvajuć bajeviki CHAMAS;
- kamandny centr, jaki vykarystoŭvajecca vysokapastaŭlenym vajenna-marskim čynoŭnikam CHAMAS;
- «ułasnaść, jakuju vykarystoŭvaje CHAMAS», znachodzicca ŭ miačeci ŭ Džabalii.
Paviedamlajecca, što likvidavany adzin z kamandziraŭ bajevikoŭ Ryfat Abu-Chiłal, jon ža «Abu al-Abad».
Žychary Hazy kažuć, što izrailskaja armija bolš nie dziejničaje pa papieradžalnym pratakole «Akieš ba hah» («Stuk pa dachu»), a adrazu źniščaje damy adzin za adnym.
Čytajcie taksama:
AAN: Siektar Haza moža zastacca biez elektryčnaści praź niekalki dzion
Kroŭ i ahoń. Strašnyja FOTY ź Izraila i Hazy
Paleścinskija bajeviki zajavili, što zachapili ŭ pałon bolš za 130 izrailcian