U muzykanta Juryja Šaŭčuka zdaryŭsia infarkt — ŚMI
U rasijskaha muzykanta Juryja Šaŭčuka zdaryŭsia infarkt. Z-za heta DDT pieranosiać kancerty na pačatak nastupnaha hoda, piša Baza.
09.10.2023 / 13:35
Juryj Šaŭčuk. Fota: instahram Juryja Šaŭčuka
Lidar hurta DDT pieranios infarkt mijakarda ŭ vieraśni hetaha hoda. Zaraz muzykant prachodzić abaviazkovy kurs reabilitacyi, jaki pradoŭžycca da siaredziny śniežnia.
U kancy kastryčnika DDT pavinny byli adpravicca ŭ tur. Siarod haradoŭ, dzie jany pavinny byli vystupić, byŭ i Tel-Aviŭ. U vyniku kancerty pieraniesieny na pačatak 2024 hoda.
Juryj Šaŭčuk adnaznačna vystupiŭ suprać vajny va Ukrainie, asudziŭšy ahresiju i navat vypuściŭ potym antyvajenny klip.
Pryčym Šaŭčuk paśladoŭna zajmaje pacyfisckuju pazicyju i vystupaŭ suprać lubych vojnaŭ, uklučajučy vajennyja dziejańni ŭ Čačni, Paŭdniovaj Asiecii i ŭsiudy ŭ śviecie.