Paśla rozhałasu ŭ internecie z sajta «Minskaj praŭdy» vydalili antyizrailski artykuł
Artykuł kałumnista RT Ihara Mołatava na «Minskaj praŭdzie», dzie jon salidaryzavaŭsia z paleścinskimi bajevikami i pisaŭ, što pieramoha Paleściny — heta pieramoha Maskvy i Minska, vydalili z sajta vydańnia, zaŭvažyŭ telehram-kanał «Kułuary KYKY».
09.10.2023 / 16:15
Učora na sajcie dziaržaŭnaj haziety «Minskaja praŭda» vyjšła pieršaja kałonka supracoŭnika Russia Today Ihara Mołatava ab atacy Paleściny na Izrail.
U joj Mołataŭ napisaŭ, što situacyja «raździmajecca z metaj unieści raskoł u biełaruskim i rasijskim hramadstvie, jakoje adzinaje ŭ padtrymcy Paleściny», a taksama, što «pieramoha Paleściny — heta pieramoha Maskvy i Minska».
Siońnia na sajcie «Minskaj praŭdy» hety artykuł niedastupny. Mahčyma, jaje vydalili paśla reakcyi biełaruskaha MZS na padziei ŭ Izraili, jakija zajavili pra «niedapuščalnaść napadaŭ na cyvilnaje nasielnictva», vykazvaje zdahadku «Kułuary KYKY».
Čytajcie taksama: