U Hrodnie demantavali vuličnyja pakazalniki z łacinkaj. Na vychadnych turystaŭ sustrakali pustyja słupy
Chvala baraćby z łacinkaj idzie pa haradach.
10.10.2023 / 08:51
Ilustracyjny zdymak taho, jak vyhladali šyldy raniej. Fota: skrynšot z «Jandeks Panaramy»
Aktyŭnaje zmahańnie z užyvańniem łacinki ŭ Biełarusi pačałosia ŭ žniŭni 2022 hoda. Hałoŭnyja inicyjatary — prarasijskaja aktyvistka z Hrodna Volha Bondarava i jaje prychilniki. Infakazačka tłumačyła, što zmahańniem z łacinkaj jana «abaraniaje krainu ad kałabarantaŭ».
Fota: skrynšot dopisu z kanała Volhi Bondaravaj, pryśviečanaha zboru podpisaŭ pad zvarotam za prybirańnie łacinki ź biełaruskich vulic
Sioleta ŭ krasaviku była pryniata pastanova «Ab pieradačy nazvaŭ hieahrafičnych abjektaŭ ź biełaruskaj i ruskaj moŭ na inšyja movy». Paśla hetaha łacinka stała źnikać ź niekatorych prypynkaŭ u Minsku, a taksama z šyldaŭ u mietro. Dniami pakazalniki z łacinkaj pačali źnikać u Hrodnie.
Turystaŭ, jakija pryjechali ŭ horad u minułyja vychadnyja, sustrakali pustyja słupy. Raniej na ich mieścilisia pakazalnyja znaki z nazvami vulic i słavutaściej. Źvierchu infarmacyja pisałasia na biełaruskaj movie kirylicaj, a ŭnizie toje samaje dublavali łacinkaj.
Fota: sacyjalnyja sietki
Pustyja słupy možna było ŭbačyć u centry Hrodna.
Ułady pastavili zadaču całkam prybrać łacinku z darožnych znakaŭ i pakazalnikaŭ u Biełarusi da kanca 2023 hoda.
Z Hrodzienskaha sabora źnikli dva abrazy z navamučanikami, jakija paciarpieli ad balšavickaha teroru — Chryścijanskaja vizija
U minskim mietro biełaruskuju łacinku aktyŭna mianiajuć na rasiejščynu