ES zamaroziŭ prahramu dapamohi Palestynie i maje namier pierahledzieć finansavańnie ŭ budučyni
Jeŭrapiejskaja kamisija vyrašyła prypynić finansavańnie prajektaŭ raźvićcia na palestynskich terytoryjach paśla ahresii terarystyčnaj hrupoŭki CHAMAS suprać Izraila.
09.10.2023 / 17:07
Izrailski ściah na štab-kvatery Jezrakamisii ES, 8 kastryčnika 2023 h., Brusiel, Bielhija. Fota: Thierry Monasse / Getty Images
«Jak najbujniejšy donar palestyncaŭ, Jeŭrapiejskaja kamisija stavić na razhlad uvieś svoj partfiel raźvićcia na ahulnuju sumu 691 miljon jeŭra. Usie vypłaty nieadkładna prypynienyja. Usie prajekty pastaŭleny na pierahlad. Usie novyja prapanovy pa biudžecie, uklučajučy 2023 hod, adkładzienyja da dalejšaha paviedamleńnia. [Pravodzicca] kompleksnaja acenka ŭsiaho partfiela», — napisaŭ u tvitary kamisar Jeŭrasajuza pa pytańniach susiedstva i pašyreńnia Olivier Varchieli.
«Asnovy miru, talerantnaści i suisnavańnia patrabujuć nieadkładnaha rašeńnia. Padbuchtorvańnie da nianaviści, hvałtu i ŭsłaŭleńnie teroru atrucili rozum zanadta vialikaj kolkaści ludziej. Nam patrebnyja dziejańni, i patrebnyja ciapier», — padsumavaŭ Varchieli.
Raniej ab rašeńni prypynić finansavuju dapamohu Palestynie abjavili asobna Hiermanija i Aŭstryja.