Franaka Viačorku vypisali sa špitala
14.12.2009 / 15:11
Franak paviedamiŭ, što za toj čas, pakul jon lačyŭsia ŭ špitali, jamu pastavili dyjahnaz «hipertenzija 2‑j stupieni z ryzykaj treciaj stupieni». Z takoj chvarobaj słužyć u vojsku zabaroniena.
Pavodle samoha sałdata, dniami jaho pavinny byli pryznać nieprydatnym da słužby ŭ vojsku. Adnak 14 śniežnia doktar ckazała Viačorku, što jaho terminova vypisvajuć.
Mienavita na paniadziełak była zapłanavanaja kansultacyja z kardyjolaham, jaki pravodzić abśledavańnie sardečna‑sasudzictaj sistemy Franaka.
Chłopiec paviedamiŭ, što ŭ miedycynskaj kartcy jamu admianili tyja dyjahnazy, jakija pastavili ŭ časie abśledavańnia, i terminova nakiravali ŭ vajskovuju častku.