U kibucy Bieery na miažy ź siektaram Haza znajšli cieły 100 zahinułych izrailcian. Kolkaść achviar moža pavialičycca
Vałanciory pošukava-vyratavalnaj hrupy Zaka vyjavili najmieniej cieły 100 zahinułych izrailcian u kibucy Bieery, raźmieščanym niedaloka ad miažy ź siektaram Haza, paviedamlaje «Mieduza» sa spasyłkaju na The Times of Israel.
09.10.2023 / 23:30
Cieły zahinułych vyvoziać z kibuca. Skryn videa
Pa słovach adnaho ź miascovych žycharoŭ, kibuc byŭ całkam razburany ŭ vyniku napadu bajevikoŭ CHAMAS.
Usiaho ŭ kibucy pražyvali kala tysiačy čałaviek. Vałanciory nie vyklučajuć, što kolkaść zahinułych moža jašče pavialičycca, bo nie ŭsie zavały razabrali.
Izrailskija ŚMI paviedamlali, što ŭ vyniku ataki CHAMAS u krainie zahinuli nie mienš za 900 čałaviek i jašče 2400 atrymali ranieńni.
Adnoj ź pieršych metaŭ terarystaŭ, jakija napali na Izrail ranicaj 7 kastryčnika, staŭ muzyčny fiestyval Universo Paralello Israel Edition, jaki prachodziŭ za piać kiłamietraŭ ad ściany, jakaja adździalaje izrailskuju terytoryju ad siektara Haza. Pa danych pošukava-vyratavalnaha hurta Zaka, u vyniku napadu bajevikoŭ na fiestyval zahinuli sama mieniej 260 čałaviek.