Пад Вільняй загінуў беларус
10.10.2023 / 10:19
Яго збіла машына, калі ён выйшаў на трасу са свайго аўтамабіля.
9 кастрычніка ўвечары недалёка ад Грыгішак за Вільняй загінуў грамадзянін Беларусі, піша Delfi.lt.
На дарозе A1 сутыкнуліся легкавы аўтамабіль «Шэўрале» і цягач.
Паводле папярэдніх звестак, кіроўца «Шэўрале», грамадзянін Беларусі, ехаў у бок Коўна, потым спыніўся на магістралі за Грыгішкамі і выйшаў з машыны.
Кіроўца цягача яго не заўважыў і збіў. Кіроўца легкавіка памёр на месцы. Абставіны ДТЗ высвятляе паліцыя.