My pierachodzim u nastup. Haza nikoli nie vierniecca da taho, što było raniej — ministr abarony Izraila
Ministr abarony Izraila Jaaŭ Hałant na sustrečy z vajskoŭcami zajaviŭ, što izrailskaje vojska «ŭziała situacyju pad kantrol» i «pierachodzić u poŭnamaštabny nastup», paviedamlaje The Times of Israel.
10.10.2023 / 21:56
Vybuch u paleścinskim šmatpaviarchoviku paśla izrailskaha avijaŭdaru ŭ horadzie Haza, 7 kastryčnika 2023 h. Fota: Adel Hana / AP Photo
«Ja źniaŭ usie abmiežavańni. CHAMAS chacieŭ pieramien u siektary Haza, i jon źmienicca na 180 hradusaŭ u paraŭnańni z tym, što dumali bajeviki. Jany paškadujuć pra hety momant. Haza nikoli nie vierniecca da taho, što było raniej. Chto b ni pryjšoŭ abiezhałoŭlivać, zabivać žančyn i ludziej, jakija pieražyli Chałakost, — my źniščym jaho», — zajaviŭ Hałant.
Ministr taksama dadaŭ, što vajna moža zaciahnucca na «tydni ci miesiacy».
Bajeviki ruchu CHAMAS ranicaj 7 kastryčnika napali na Izrail. Jany vypuścili niekalki tysiač rakiet i prarvalisia ŭ prymiežnyja rajony, pačaŭšy boj ź izrailskimi vajskoŭcami.
Premjer-ministr Izraila Bińjamin Nietańjachu zajaviŭ, što kraina ŭstupaje ŭ «doŭhuju i ciažkuju vajnu». Taksama jon abjaviŭ, što Armija abarony Izraila pačała rychtavacca da nastupalnaj apieracyi, metaj jakoj zjaŭlajecca poŭnaje źniščeńnie mahčymaściaŭ CHAMAS.