Жыхары Новай Гуты паскардзіліся чыноўніцы на якасць хлеба. Тая правяла эксперымент на працоўным месцы

Чыноўнікі ўсё часцей ідуць у тыкток. Напрыклад, старшыня Гомельскага раённага савета дэпутатаў Вікторыя Ладуцька вырашыла даказаць жыхарам аграгарадка Новая Гута, што яны дарма незадаволеныя якасцю хлеба ў мясцовых крамах.

11.10.2023 / 08:03

Старшыня Гомельскага раённага савета дэпутатаў Вікторыя Ладуцька даказала, што людзі дарма скардзяцца на якасць хлеба. Ëн не цвіце ані. Скрыншот з тыктока Вікторыі Ладуцька

— Вось такі падарунак з крамы «Райпо» мне сёння даслалі, — расказвае Вікторыя Ладуцька. — Ад жыхароў населенага пункта паступалі пытанні адносна якасці хлебных вырабаў. Хацелася б адзначыць, што ў аграгарадку Новая Гута некалькі крамаў, дзе прадстаўлены шырокі асартымент хлебабулачных вырабаў, у тым ліку і ўласнай вытворчасці. Жыхары паскардзіліся, што хлеб дрэнна рэжацца і праз дзень ён зацвітае. Вось такі хлеб мне перадаў старшыня сельскага савета дэпутатаў — ён купіў яго ў краме гомельскага райспажыўтаварыства.

Чыноўніца вырашыла арганізаваць дэгустацыю на працоўным месцы: спачатку адрэзала кавалачак, потым пакаштавала яго. За эксперыментам са сцяны ўважліва назіраў партрэт маладога Аляксандра Лукашэнкі.

— Хлеб правільнай формы, дэфекту скарынкі не назіраецца, пры нарэзцы не крышыўся, мае кіславаты смак, старонні прысмак і пахі адсутнічаюць, — адзначыла Вікторыя.

Скрыншот відэа ў тыктоку

Гэта адбывалася ў пятніцу, таму чыноўніца з чыстым сумленнем паклала хлеб у пакет і адправіла яго ў шафу да панядзелка. На пачатку працоўнага тыдня Вікторыя Ладуцька здала справу:

— Цвіль не відаць, хлеб дастаткова мяккі.

@gomregion Некоторые жители агрогородка Новая Гута не довольны качеством хлеба. По их словам хлеб быстро черствеет, в короткий срок плесневеет. Председатель Гомельского районного Совета депутатов Виктория Ладутько попробовала хлеб, приобретённый в магазине Гомельского филиала облпо в агрогородке. Как отметила Виктория Александровна, хлеб-кирпичик правильной формы, пропеченный, дефекта корки не наблюдается, при нарезке не крошился, имеет кисловатый вкус, посторонний привкус и запахи отсутствуют. Как пояснили в Гомельском филиале облпо, формовой хлеб (кирпичик) готовится заквасочным способом, а не опарным как подовые хлеба.Формовому хлебу свойственна кислотность не более 9%, а подовым хлебам до 6%. Поэтому формовой хлеб с кислинкой, а если она будет ниже он и будет плесневеть, будет липкий. Хлеб поместили в целофановый пакет, оставили на двое суток в шкафу. Хлеб не потерял внешний вид, не заплесневел, сохранились вкусовые качества. В магазины Гомельского филиала облпо в основном поставляют хлебобулочные изделия Тереховского хлебозавода. В ассортименте имеется хлеб и батоны других производителей, в основном ОАО "Гомельхлебпром". Виктория Ладутько, общаясь с руководством Гомельского филиала облпо, акцентировала, что необходимо обратить пристальное внимание на ассортимент хлебобулочных изделий и их качество, наличие в магазинах района хлебной продукции других производителей. Очевидно, что если бы работа была организована с учетом спроса и потребностей покупателей, то многих вопросов можно было бы избежать. Вопрос остаётся на контроле. #беларусь #рек #Жителисельскойместности #Гомельскийрайон ♬ оригинальный звук - gomregion

Відэа набрала ў тыктоку 272 тысячы праглядаў, 1395 лайкаў і 882 каментарыя. Шмат хто абурыўся вынікамі эксперымента:

«Карацей, як заўсёды бла-бла-бла і ўсё ў парадку без парушэнняў», «Яшчэ б старшыні сельсавета прадалі пазаўчарашні хлеб», «Хлеб і праўда цяпер у вёску не найлепшай якасці прывозяць! А батон назаўтра — адны крошкі!», «Чаму ў вёскі вечна вязуць ТОЛЬКІ гэтыя цагліны? Людзі, якія гэты хлеб вырошчваюць сваімі рукамі, не заслугоўваюць смачнейшага?».

Але знайшліся і тыя, каму такі хлеб падабаецца: «А мая дачка ўжо сёмы год у Мінск возіць нашу правінцыяльную цагліну. Кажа, што яна найлепшая», «Мой любімы хлеб, калі падгарыць скарынка, тэлефануйце мне, забяру».

Відэа стала адным з найбольш папулярных у тыктоку Гомельскага раённага савета дэпутатаў. 

Чытайце таксама:

Моцны вецер адключыў электрычнасць у 842 населеных пунктах

У Гомельскай вобласці чыноўнікаў пазбавілі аўтамабіляў, машыны цяпер арандуюцца

«Калі акцыя няўзгодненая, іх будзе шукаць міліцыя». Гомельскія чыноўнікі пракаментавалі «мемарыял» вагнераўцам у цэнтры горада

Ганна Стафановіч