Padletki znajšli prabity miač, zabrali jaho i vykinuli. Na ich zaviali kryminałku
Pra vypadak raspaviadaje hazieta «Naviny Paleśsia», ich artykuł pieradrukavaŭ aficyjny sajt Bresckaha UUS.
11.10.2023 / 22:50
«Tavaryšy z adnaho z nasielenych punktaŭ rajona pryjechali ŭ rajcentr, kab pazajmacca sportam. U niejki momant im kinuŭsia ŭ vočy futbolny miač, jaki lažaŭ za varotami. Choć jon byŭ prabity, chłopcy vyrašyli jaho zabrać z saboj. Pakłali ŭ zaplečnik i adpravilisia na prypynak, a ŭžo tam vykinuli», — apisvaje vypadak vydańnie.
Baćki chłopčyka, u jakoha skrali miač, źviarnulisia ŭ milicyju.
I milicyja vyśvietliła asoby dziaciej, uzrost jakich nie nazyvajecca ŭ artykule.
«Svoj nieabdumany ŭčynak maładyja ludzi rastłumačyć nie zmahli, choć ź dziacinstva viedajuć, što brać čužoje nielha», — piša vydańnie.
Choć paciarpiełym była kampiensavanaja škoda, ale pa hetym fakcie raspačataja kryminalnaja sprava.