Jehipiet adchiliŭ ideju stvareńnia kalidoraŭ dla biežancaŭ ź siektara Haza
Matyvy Kaira ŭ tym, kab abaranić «prava paleścincaŭ adstojvać svaju spravu i svaju ziamlu».
12.10.2023 / 08:35
Paranienaha paleścinca dastaŭlajuć u špital. Fota: Mahmoud Essa / AP
Jehipiet abmiarkoŭvaŭ z ZŠA i inšymi krainami płany pa dastaŭcy humanitarnaj dapamohi praź miažu ź siektaram Haza, adnak na hety momant adchiliŭ lubyja miery pa stvareńni biaśpiečnych kalidoraŭ dla biežancaŭ, jakija pakidajuć rehijon, paviedamlaje telekanał «Dožd́» sa spasyłkaj na Reuters.
Matyvy Jehipta ŭ tym, kab abaranić «prava paleścincaŭ adstojvać svaju spravu i svaju ziamlu».
Daradca prezidenta ZŠA pa nacyjanalnaj biaśpiecy Džejk Salivan 11 kastryčnika paviedamiŭ ab praciahu kansultacyj ź Izrailem i Jehiptam z nahody pieravozki mirnych žycharoŭ Hazy, jakija paciarpieli napad z boku izrailskaj armii.
Tym časam Armija abarony Izraila (CACHAŁ) dała spravazdaču nočču ab praciahu abstrełaŭ pazicyj CHAMAS u siektary Haza.
Paśla napadu bajevikoŭ CHAMAS ministr abarony Izraila Jaaŭ Hałant addaŭ zahad ab poŭnaj błakadzie siektara Haza. Napiaredadni ŭ rehijonie praź niedachop paliva spyniła pracu adzinaja elektrastancyja.
Čytajcie taksama:
Premjer Izraila: Kožny člen CHAMAS — heta miarćviak
Adzinaja elektrastancyja siektara Haza spyniła pracu
U Izraili ŭ bai z CHAMAS zahinuła 25-hadovaja ŭradženka Biełarusi. Jana pracavała ŭ palicyi
Biełaruskaja prapahanda ŭkinuła ideju, što izrailcianaŭ chočuć pierasialić va Ukrainu