Vyjšli na volu Ryta Zotava i Mikita Chilkievič
Jany byli asudžanyja za rasklejvańnie pratesnych ulotak, a daniesła na ich dyrektarka škoły.
12.10.2023 / 16:18
20-hadovaja studentka 3 kursa fakulteta psichałohii i piedahohiki Homielskaha ŭniviersiteta imia Francyska Skaryny Ryta Zotava i 27-hadovy Mikita Chilkievič byli zatrymany 9 žniŭnia 2021 hoda za rasklejvańnie pratestnych nalepak i ŭlotak u Čačersku 5-6 červienia 2021 h., zatym adpuščany pad padpisku ab niavyjeździe, piša «Homielskaja viasna».
Ryta Zotava
Pryčym pra ŭlotki ŭ milicyju dakłała dyrektarka škoły №2 Čačerska Volha Całko, i maładych ludziej znajšli pa zapisach kamier videanazirańnia. Na zapisach, pakazanych u sudzie, było bačna, što Ryta nakleiła try ŭlotki.
28 śniežnia 2021 h. ich znoŭ zatrymali i abvinavacili pa artykule 341 «Apahańvańnie zbudavańniaŭ i psavańnie majomaści» i narodnym artykule 342.
23 sakavika 2022 sud Čačerskaha rajona (sudździa Piotr Cyhanok, prakuror Dzianis Łapicki) pryhavaryŭ ich da dvuch hadoŭ kałonii.
Ryta adbyvała pakarańnie ŭ Homielskaj žanočaj kałonii, a Mikita ŭ Ivacevickaj.
Siońnia jany vyjšli na volu.
Čytajcie taksama:
Na volu vyjšaŭ palitviazień Arsienij Čyžyk
Palitźniavoleny Ihar Povaraŭ vyjšaŭ na volu
Na volu vyjšli palitviaźni Jaŭhien Kalenda i Dźmitryj Adaračkin