U biełarusaŭ na miažy stali praviarać, ci paviedamili jany pra DNŽ inšaj krainy
Na biełaruskaj miažy pahraničniki na vyjeździe pačali praviarać pastanoŭku na ŭlik u MUS dazvołu na žycharstva abo hramadzianstva inšaj krainy. Pra heta paviedamili adrazu niekalki čałaviek u adnym z čataŭ, zaŭvažyŭ Hrodna.life.
12.10.2023 / 19:37
Biełarusy raskazvajuć, što ŭ znajomych, jakija pierasiakajuć miažu, pravieryli pastanoŭku DNŽ na ŭlik u MUS. Takija pravierki nibyta isnujuć na vyjeździe ź Biełarusi.
Dva biełarusy zajavili, što ich znajomych «razharnuli» i nie vypuścili z krainy, bo ich dazvoł na žycharstva nie byŭ na ŭliku.
Niekatoryja ž pišuć, što pytalisia pra DNŽ i kartu palaka, ale heta nie paŭpłyvała na pierasiačeńnie miažy.
11 lipienia 2023 hoda ŭstupili ŭ siłu źmieny ŭ Zakon Respubliki Biełaruś «Ab hramadzianstvie Respubliki Biełaruś». Zhodna ź imi, hramadzianie Respubliki Biełaruś, jakija majuć zamiežny dakumient — hramadzianstva, vid na žycharstva, dakumient, jaki daje prava na lhoty — abaviazany prainfarmavać ab hetym orhany ŭnutranych spraŭ abo orhany dypłamatyčnaj słužby na praciahu troch miesiacaŭ z dnia ŭstupleńnia ŭ siłu zakona. Hetyja try miesiacy jakraz skončylisia.
Čytajcie taksama:
Ci adbiare Polšča humanitarnuju vizu abo humanitarny DNŽ, kali čałaviek pajedzie ŭ Biełaruś?
«Amal hadzinu prasiadzieŭ u čarzie». Jak biełarusy padavali źviestki pra DNŽ
Biełaruskija i rasijskija deputaty zadumalisia, jak viartać ludziej na radzimu
Hajd pa lehalizacyi i «pašpartach zamiežnikaŭ» u Litvie i Polščy
Pryjazdžajcie sami. «Pašpartny ŭkaz» Łukašenki pačaŭ dziejničać u navučalnych ustanovach