Zatrymali adnaho ź lidaraŭ CHAMAS, śpikiera parłamienta Paleściny Aziza Duejka
Aziz Duejk traplaŭ u turmu mnostva raz.
13.10.2023 / 06:56
Aziz Duejk. Fota: Majdi Mohammed / AP
U noč na 13 kastryčnika ŭ Chieŭronie izrailskimi vajskoŭcami byŭ zatrymany adzin z najbolš upłyvovych lidaraŭ CHAMAS na Zachodnim bierazie raki Iardan Aziz Duejk, jaki źjaŭlajecca śpikieram parłamienta Paleściny, piša newsru.co.il.
U červieni 2014 hoda, kali pravodziłasia apieracyja «Viarniciesia, braty» pa vyšuku 16-hadovaha Naftali Frenkiela, 16-hadovaha Hiłada Šaera i 19-hadovaha Ejala Ifracha, vykradzienych terarystami CHAMAS, Duejk byŭ zatrymany adnym ź pieršych, a zatym bolš za 100 aktyvistaŭ CHAMAS. Troje vykradzienych izrailcian paźniej byli znojdzienyja zabitymi. I nieŭzabavie ŭ Hazie pačałasia apieracyja «Nieparušnaja skała». Paśla Aziz Duejk byŭ vyzvaleny z-pad aryštu.
Aziz Duejk traplaŭ u turmu mnostva raz. U 2006-m jon byŭ aryštavany razam ź inšymi aktyvistami CHAMAS paśla vykradańnia Hiłada Šalita, ale vyjšaŭ z turmy da zaklučeńnia «ŭhody Šalita», u 2009-m znoŭ jon apynuŭsia ŭ turmie, paśla ŭ pačatku 2012 hoda, ale praz paŭhoda vyjšaŭ na volu.
Čytajcie taksama:
Nietańjachu apublikavaŭ fota zabitych i spalenych izrailskich niemaŭlat. Aściarožna, žorstkija kadry
Troje vychadcaŭ ź Biełarusi zahinuli ŭ Izraili, jašče adzin biełarus prapaŭ bieź viestak — MZS
Machmud Abas asudziŭ zabojstvy mirnych žycharoŭ «z abodvuch bakoŭ»